حبيبتي .. قولي أسمعك

قولي حبيبي أسمعك 

قلبي معك .. وعقلي معك .. ونبض قلبي يتبعك

ليه السكوت !!
ما أشوف شي يمنعك
إنك تقولي .. مهما تقولي :
قلبي بنبضه يتبعك !!

قولي أسمعك ..

تحبيني ؟؟

وأنا بعد .. ياعمري
ـ أموت في ليلة تجمعني معك ..
 أحلامي وهمي يزرعك
ـ أموت في لحظة يعانقني صدى صوتك ..
 يذوبني معك
ـ أموت من دمعة تبكِـيني ..
على خدك وتجرح مدمعك

ـ أموت من عيدٍ ..

يجي ويمر ولا أسمعك 

قولي أسمعك ..

 مهما تقولي ..
( قلبي بنبضه يتبعك )
البارحة  :
ـ مريت في نفس الطريق اللي زمانه ودعك

البارحة :

ـ مديت لك كفي وله من شوق حبي شرّعك

البارحة :
ـ مديت كفي للرياح اللي حجبها إصبعك

قولي أسمعك ..

 ظلمتيني ؟؟
لا .. لاتخافي .. أزعل عليك !!
كيف الزعل ؟؟
وبسمتي ..
تنثر وهجها في سنابل مطلعك !
لا .. لاتخافي .. من الغياب ...
وين الغياب ؟؟
وخطوتي .. ينبت أثرها في موانيء مسمعك !!
 

قولي أسمعك  ..

مهما تقولي ..
قلبي بنبضه يتبعك